Përderisa bota po vëzhgon me kujdes situatën e shkaktuar nga Covid-19, Koreja e Jugut, Tajvani dhe Hong Kong, dhe një vend tjetër aziatik, nuk kanë parë asnjë vdekje nga kjo sëmundje.

Vendi me më shumë se 97 milionë banorë dhe që pati nën kontrollë të gjithë situatën me Covid-19 është Vitenami, transmeton portal arbresh.info

Autoritetet e këtij vendi nuk kanë raportuar asnjë vdekje për shkak të Covid-19 dhe deri me tani janë konfirmuar vetëm 328 raste, përkundër faktit se është në kufi më Kinën, prej nga edhe filloi infeksioni, shkruan CNN.

Shifra të tilla janë të habitshme, pasi Vietnami është një vend me të ardhura të mesme të ulëta, sistem shëndetësor shumë pak të përparuar dhe ka vetëm tetë mjekë për 10,000 banorë.

Ata u mbyllën për vetëm tre javë, masat e izolimin u hoqën në fund të muajit prill dhe nuk është raportuar asnjë infeksion lokal për 40 ditët e fundit. Jeta është kthyer në normalitet.

Pyetja është se si Vietnami arriti t’i përgjigjet me sukses problemit global dhe të shmangë krizë?

Përgjigja, sipas ekspertëve të shëndetit publik, është në një përgjigje të hershme dhe të shpejtë për të parandaluar përhapjen e infeksionit, monitorimin rigoroz të kontakteve dhe karantinës.

Vietnami filloi përgatitjet për një epidemi të koronavirus disa javë përpara se të kishin ndonjë rast të konfirmuar të infeksionit. Në atë kohë, autoritetet kineze dhe Organizata Botërore e Shëndetit pohuan se nuk kishte prova të qarta që virusi ishte transmetuar nga personi në person.

Në fillim të janarit, u vendosën kontrolle të temperaturës së trupit për qytetarët kinezë, në mes të muajit, u zbulua se ata të dy ishin pozitivë për virusin korona, dhe një ditë më pas, Vietnami pezulloi fluturimet me Kinën. Deri në fund të muajit, të gjithë të huajt u ndaluan të hynin në Vietnam.

Ata reaguan në mënyrë aktive kur bëhet fjalë për karantinën, kështu që ata mbyllën fshatra të tëra si një masë paraprake.

Vietnamezët që ktheheshin nga jashtë, vendoseshin në karantinë. Me hollësi u ndoqën kontaktet e njerëzve të infektuar, dhe ato indirekte gjithashtu duhej të izoloheshin, por në shtëpi.

Që në fillim, qeveria Vietnameze komunikoi qartë në lidhje me epideminë, linjat telefonike speciale, faqet e internetit dhe aplikacionet u prezantuan me qëllim të informimit të publikut për lajmet dhe këshillat mjekësore.

Ekspertët thanë se përvoja e mëparshme Vietnameze me epideminë e SARS dhe gripit të shpendëve gjithashtu ndihmoi qeverinë dhe publikun që të përgatiten më mirë për Covid-19./arbresh.info/